ابھی ضد نہ کر، دل بے خبر
کہ پس ہجوم ستم گراں
ابھی کون تجھ سے وفا کرے؟
ابھی کس کو فرصتیں اس قدر
کہ سمیٹ کر تیری کرچیاں
تیرے حق میں خدا سے دعا کرے
ابھی ضد نہ کر دل بے خبر
کہ تہ غبار غم جہاں
کہاں کھو گئے تیرے چارہ گر
کہ راہ حیات میں رائیگاں
کہاں سو گئے تیرے ہمسفر
ابھی غمگساروں کی چوٹ سہہ
ابھی کچھ نہ سن ابھی کچھ نہ کہہ
ابھی ضد نہ کر میرے بے نواء
ابھی ہو سکے تو سخی میرے
سب ہی خواب راکھ میں دفن کر
ابھی ہو سکے تو یہ سوچ لے
کہ طلوع اشک سے پیشتر
کہیں درد ہے تو ہوا کرے
کوئی چوٹ ہے تو کھلا کرے
کبھی یوں بھی ہو کہ سر افق
تیرے دکھ کا چاند دمک اٹھے
کوئی ٹیس خود سے چمک اٹھے
کسی شہر زخم فروش میں
کوئی زخم خود سے خرید کر
سبھی عکس خُود سے کُھرچ کبھی
کسی آئینے پہ نہ دید کر
کبھی یوں بھی جشن طرب منا
کبھی اس طرح سے بھی "عید" کر
شاعر = محسن نقوی.
کتاب = رخت شب سے.
مَیں کیوں نہ ترکِ تعلق کی ابتدا کرتا
وہ دُور دیس کا باسی تھا کیا وفا کرتا؟
وہ میرے ضبط کا اندازہ کرنے آیا تھا
مَیں هنس کے زخم نہ کھاتا تو اور کیا کرتا؟
هزار آئینہ خانوں میں بھی مَیں پا نہ سکا
وہ آئینہ جو مجھے خود سے آشنا کرتا
درِ قفس پہ قیامت کا حبس تھا ورنہ
صبا سے ذکر تیرا مَیں بھی سُن لیا کرتا
میری زمیں تُو اگر مجھ کو راس آ جاتی
مَیں رفعتوں میں تجھے آسمان سا کرتا
غمِ جہاں کی محبت لُبھا رهی تھی مجھے
مَیں کس طرح تیری چاہت پہ آسرا کرتا؟
اگر زبان نہ کٹتی تو شہر میں محسن
مَیں پتھروں کو بھی اِک روز ہمنوا کرتا !!
(محسن نقوی)
.
ہم غم کو ان آنکھوں سے عبارت نہیں کرتے
لہجے سے بهی کوئی تو شکایت نہیں کرتے
ہم وقت کے ہاتھوں میں کھلونےکی طرح ہیں
اس واسطےدنیا سے بغاوت نہیں کرتے
ہر موڑ پہ آنسو لئے پھرتے ہیں پریشاں
خوابوں سےبغاوت کی جسارت نہیں کرتے
یادوں کی اذیت میں مقید رہے برسوں
جو لوگ محبت میں خیانت نہیں کرتے
اک پل میں بدل دیتے ہیں یہ ساری فضائیں
ایسے ہی تو یہ درد عنایت نہیں کرتے
بے درد سےلمحوں میں تو صدیوں سے پڑے ہیں
بکھرے ہوئے پھرخود کی حفاظت نہیں کرتے
جس ساز پہ ناچے دلِ بربادکی حسرت
اس سُر کی تو ہم روز ریاضت نہیں کرتے
رشتہ ہے محبت کا بہت تجھ سےمری جاں
"سو چاہ کے بھی تجھ سے عداوت نہیں کرتے"
پانی کے جزیروں پہ حکومت ہے ہماری
بہتے ہوئے اشکوں پہ قناعت نہیں کرتے
ویرانی دل کب سے کنارے پہ کھڑی ہے
تم بول کے کیوں برپا قیامت نہیں کرتے
رکھتے ہیں تجھے دل میں عقیدت سے ہمیشہ
نظروں سے فقط تیری عبادت نہیں کرتے
مٹ جاتےہیں سب نقش مری آنکھوں سےسب کے
کچھ عکس تمھارے ہی تو ہجرت نہیں کرتے
خواہش کے مزاروں پہ دیا روز جلا کر
ٹوٹے ہوئے خوابوں سے شرارت نہیں کرتے....
محسن نقوی
کبھی جو چھڑ گئی یادِ رفتگاں محسن
بکھر گئی ہیں نگاہیں کہاں کہاں محسن
ہوا نے راکھ اُ ڑائی تو دل کو یاد آیا
کہ جل بجھیں میرے خوابوں کی بستیاں محسن
کھنڈر ہے عہدِ گزشتہ نہ چھو نہ چھیڑ اسے
کھلیں تو بند نہ ہو اس کی کھڑکیاں محسن
بجھا ہے کون ستارا کہ اپنی آنکھ کے ساتھ
ہوئے ہیں سارے مناظر دھواں دھواں محسن
نہیں کہ اس نے گنوائے ہیں ماہ و سال اپنے
تمام عمر کٹی یوں بھی رائیگاں محسن
ملا تو اور بھی تقسیم کر گیا مجھ کو
سمیٹنا تھیں جسے میرے کرچیاں محسن
کہیں سے اس نے بھی توڑا ہے خود سے ربطِ وفا
کہیں سے بھول گیا میں بھی داستاں محسن
شاعر _ محسن نقوی ۔۔
لغزشوں سے ماورا تو بھی نہیں میں بھی نہیں
دونوں انساں ہیں خدا تو بھی نہیں میں بھی نہیں
تو جفا کی میں وفا کی راہ پر ہیں گامزن
پیچھے مڑ کر دیکھتا تو بھی نہیں میں بھی نہیں
تو مجھے میں تجھے الزام دھرتا ہوں
اپنے من میں جھانکتا تو بھی نہیں میں بھی نہیں
مصلحت نے کر دیے دونوں میں پیدا اختلاف
ورنہ فطرت کا برا تو بھی نہیں میں بھی نہیں
بد گمانی شہر میں کس نے پھیلا دی جبکہ
ایک دوسرے سے خفا تو بھی نہیں میں بھی نہیں
جرم کی نوعیتو ں میں کچھ تفاوت ہو تو ہو
در حقیقت پارسا تو بھی نہیں میں بھی نہیں
جان محسن تو بھی تھا ضدی انا مجھ میں بھی تھی
دونوں خودسر تھے جھکا تو بھی نہیں میں بھی نہیں...
شاعر _ محسن نقوی
Poet _ Mohsin Naqvi,
Type By,
*.__SAJJAD__.*
Ab Koi Chand Mera Hai Na Sitara Mohsin,
Ab Kaha Jaon Ga Main Dard Ka Mara Mohsin,
Mujh Ko Tofaan Main Rehne Ki Bohot Aadat Hai,
Mujh Ko Le Jao Na Sahil Pe Khudara Mohsin,
Dard Ki Raah Main Tum Roz Chalo Gay Kab Tak,
Ab Bhi Kar Sakte Ho Tum Hum Se Kinara Mohsin,
Aag Lag Jati Hai Apno K Dilon Main Jis Se,
Karte Kyun Ho Wohi Baat Dobara Mohsin,
Raat Andhere Main Mere Ghar Ko Jalaya Kis Ne,
Mujh Ko Yeh Kaam Bhi Lagta Hai Tumhara Mohsin,
