ارے یہ روپ یہ سنگھار میری جان لوگے کیا
میں سر تا پا مسلماں ہوں مرا ایمان لوگے کیا
دکھا وے پر نہیں جانا حقیقت پر نظر ڈالو
اندھیری رات میں جگنو کو سورج مان لوگے کیا
محبت کا بہت دم بھرتے ہو میرے تعلق سے
کسی بھی حال میں آؤں مجھے پہچان لوگے کیا
یہ غیرت کے طمانچے روح پر کیا جھیل پاؤ گے
بتاؤ تم کسی کم ظرف کا احسا ن لو گے کیا
یہ مانا میں تمہارے قد سے نیچا ہی سہی لیکن
ارے دلکش کو تم کیا اتنا بھی آسان لو گے کیا
مصطفیٰ دلکش مہاراشٹر الہند
خدا کا ذکر بھی لازم ہے آدمی کے لئے
میاں سنو یہ جوانی ہے بندگی کے لئے
شریف شخص کو کیسے الگ کروں خود سے
جواز چاہئے کوئی تو دشمنی کے لئے
نظر نظر سے ہر اک بات کر رہے ہیں اب
دلوں کا ربط ضروری ہے عاشقی کے لئے
ہمارے شعروں میں یوں روشنی نہیں آ ئی
بہت جلایا ہے دل ہم نے روشنی کے لئے
مجھے زمانے کی رنگینیوں سے کیا لینا
تضمین ــ نظر حضور کی کافی ہے زندگی کے لئے
مشینی دور میں مشکل سے ملتی ہے فرصت
کلیجہ چاہئے اس یگ میں شاعری کے لئے
یہ آفتاب کبھی جن سے بھیک لیتا تھا
ترس رہے ہیں اے دلکش وہ روشنی کے لئے
مصطفیٰ دلکش
گلے لگ جا مرے اب دوریاں اچھی نہیں لگتیں
مری جاں مجھ کو یہ تنہائیاں اچھی نہیں لگتیں
مجھے ڈستی ہیں ناگن کی طرح پل پل تری یادیں
ترے بن اب مجھے پروائیاں اچھی نہیں لگتیں
جسے دیکھو وہ دشمن ہے محبت کا یہاں جاناں
کہیں چل اور اب یہ بستیاں اچھی نہیں لگتیں
ابھی بھی گشت کرتا ہے خیالوں میں ترا آنچل
مجھے یہ رنگ برنگی تتلیاں اچھی نہیں لگتیں
ابھی بھی ہے مرے شانے پہ زلفیں یار کی خوشبو
ہوا سن لے تری شرمستیاں اچھی نہیں لگتیں
یقیں کرنا مری اے گل بدن تیری قسم مجھ کو
مجھے اب پھولوں کی رعنائیاں اچھی نہیں لگتیں
ابھی بھی ہے نگاہوں میں مرے محبوب کا چہرہ
شفق کے گال پر اب سرخیاں اچھی نہیں لگتیں
محبت بیٹیوں سے تھی مرے سرکار کو
میں کیسے کہہ دوں مجھ کو بیٹیاں اچھی نہیں لگتیں
مصطفیٰ دلکش مہاراشٹر الہند
غزل
امیرو میں رہو تم حسینو میں رہو تم
کبھی اک پل سہی بس یتیموں میں رہو تم
رقیبوں میں رہو تم حبیبوں میں رہو تم
مگر کچھ پل اےیارا حریفوں میں رہو تم
سکونِ دل ملے گا تمھیں سن لو مری اب
امیروں میں نہیں تم فقیروں میں رہو تم
طلب تجھ کو اگر ہے میاں علم و ہنر کی
سخنداں میں رہو تم خطیبوں میں رہو تم
یہ سورج دیر تک کب بلند ی پر رکا ہے
جو کہتا ہوں سنو تم غریبوں میں رہو تم
ملاہے درس مجھ کو نبی سے میرے سن لو
یتیموں میں ر ہو تم اسیروں میں رہو تم
یقیں رب پر نہیں ہے پریشاں اس لئے ہو
کہاکس نے یہاں کے یہ پیروں میں رہو تم
مصطفی دلکش
