ﻭﮦ ﺩﮮ ﺭﮨﺎ ﮨﮯ " ﺩﻻﺳﮯ " ﺗﻮ ﻋﻤﺮ ﺑﮭﺮ ﮐﮯ ﻣﺠﮭﮯ
ﺑﭽﮭﮍ ﻧﮧ ﺟﺎﺋﮯ ﮐﮩﯿﮟ ﭘﮭﺮ ﺍﺩﺍﺱ ﮐﺮ ﮐﮯ ﻣﺠﮭﮯ
ﺟﮩﺎﮞ ﻧﮧ ﺗﻮ ﻧﮧ ﺗﯿﺮﯼ ﯾﺎﺩ ﮐﮯ ﻗﺪﻡ ﮨﻮﮞ ﮔﮯ
ﮈﺭﺍ ﺭﮨﮯ ﮨﯿﮟ ﻭﮨﯽ ﻣﺮﺣﻠﮯ ﺳﻔﺮ ﮐﮯ ﻣﺠﮭﮯ
ﮨﻮﺍﺋﮯ ﺩﺷﺖ ﻣﺠﮭﮯ ﺍﺏ ﺗﻮ ﺍﺟﻨﺒﯽ ﻧﮧ ﺳﻤﺠﮫ !
ﮐﮧ ﺍﺏ ﺗﻮ ﺑﮭﻮﻝ ﮔﺌﮯ ﺭﺍﺳﺘﮯ ﺑﮭﯽ ﮔﮭﺮ ﮐﮯ ﻣﺠﮭﮯ
ﯾﮧ ﭼﻨﺪ ﺍﺷﮏ ﺑﮭﯽ ﺗﯿﺮﮮ ﮨﯿﮟ ﺷﺎﻡِ ﻏﻢ ﻟﯿﮑﻦ
ﺍﺟﺎﻟﻨﮯ ﮨﯿﮟ ﺍﺑﮭﯽ ﺧﺎﻝ ﻭ ﺧﺪ ﺳﺤﺮ ﮐﮯ ﻣﺠﮭﮯ
ﺩﻝِ ﺗﺒﺎﮦ ﺗﺮﮮ ﻏﻢ ﮐﻮ ﭨﺎﻟﻨﮯ ﮐﯿﻠﯿﮯ !
ﺳﻨﺎ ﺭﮨﺎ ﮨﮯ ﻓﺴﺎﻧﮯ ﺍِﺩﮬﺮ ﺍُﺩﮬﺮ ﮐﮯ ﻣﺠﮭﮯ
ﻗﺒﺎﺋﮯ ﺯﺧﻢ ﺑﺪﻥ ﭘﺮ ﺳﺠﺎ ﮐﮯ ﻧﮑﻼ ﮨﻮﮞ
ﻭﮦ ﺍﺏ ﻣﻼ ﺑﮭﯽ ﺗﻮ ﺩﯾﮑﮭﮯ ﮔﺎ ﺁﻧﮑﮫ ﺑﮭﺮ ﮐﺮ ﻣﺠﮭﮯ
ﮐﭽﮫ ﺍﺱ ﻟﯿﮯ ﺑﮭﯽ ﻣﯿﮟ ﺍﺱ ﺳﮯ ﺑﭽﮭﮍ ﮔﯿﺎ ﻣﺤﺴﻦ
ﻭﮦ ﺩﻭﺭ ﺩﻭﺭ ﺳﮯ ﺩﯾﮑﮭﮯ ﭨﮭﮩﺮ ﭨﮭﮩﺮ ﮐﮯ ﻣﺠﮭﮯ
#ﻣﺤﺴﻦ_ﻧﻘﻮﯼ
No comments:
Post a Comment