*_تم تو عورت ہو_*

*عورت ذات ہو ۔۔!*
*تم تو چلّا بھی سکتی ہو۔۔*
*آنسوؤں سے پتھروں کو*
*پگھلا بھی سکتی ہو۔۔*

*تم تو رو بھی سکتی ہو*
*دکھوں کو دھو بھی سکتی ہو۔۔*

*میں تو مرد ہوں جاناں۔۔!*
*مجھے رونا نہیں آتا۔۔*
*دکھ دھونا نہیں آتا۔۔*

*کہ جب کوئی مرد روتا ہے۔۔*
*تو زمانہ اس پہ ہنستا ہے۔۔*
*ارے یہ مرد کیسا ہے۔۔؟*
*مرد ہو کے روتا ہے۔۔؟*
*یہ کیسے بلبلاتا ہے۔۔؟*
*اسے رونا بھی نہیں آتا۔۔؟*
*دکھ دھونا نہیں آتا۔۔؟*

*ہمیں پگھلنا بھی آتا ہے۔۔!*
*بکھر جانا بھی آتا ہے۔۔!*
*پروانے کی مانند ،*
*ہم کو جل جانا بھی آتا ہے۔۔!*
*ہمیں تڑپنا آتا ہے۔۔!*
*اور مر جانا بھی آتا ہے۔۔!*
*ہمیں سسکنا تو آتا ہے۔۔*
*مگر رونا نہیں آتا۔۔!*
*دکھ دھونا نہیں آتا۔۔!*

*بھلے تم چِیر کے رکھ دو۔۔*
*تب بھی رو نہیں سکتے۔۔!*
*موتی آنسوؤں کے ہم،*
*کبھی بھی کھو نہیں سکتے۔۔!*
*نشانی یار کی ہیں یہ،*
*زمیں میں بو نہیں سکتے۔۔!*
*بھلے مرنا پڑے ہم کو،*
*ضبط کو قائم رکھتے ہیں۔۔*
*رونق اپنے چہرے پر،*
*بظاہر دائم رکھتے ہیں۔۔*

*ہم تو مرد ہیں جاناں۔۔!!*
*ہمیں رونا نہیں آتا۔۔*
*دکھ دھونا نہیں آتا۔۔!!!*