Jo Log Badalte Hain Mayar Muhabbat K,

Type By,

*.__SAJJAD__.*

Jo Log Badalte Hain Mayar Muhabbat K,

Woh Log Nahin Hote Haqdaar Muhabbat K,

Is Saal Tumhare Bin Ramzan Guzara Hai,

Roze Bhi Howe Mushkil Aftaar Muhabbat K,

Yeh Taaj Mehel Dekho Ulfat Ki Nishani Hai,

Aise Hi Hazaron Hain Shahkaar Muhabbat K,

Ab Heer Bhi Jhooti Hai Ranjha Bhi Farebi Hai,

Rehte Hain Taaqub Main Fanqaat Muhabbat K,

Izhaar e Muhabbat Bhi Tum Ne Hi Kiya Tha Na,

Tum Ne Hi Kiye Raaste Dushwaar Muhabbat K,

Holi Bhi Main Khela Hon Eidain Bhi Manai Hain,

Hote Hain Sabhi Jaiz Tehwaar Muhabbat K,

Ab Dil Bhi Hamara To Sunsaan Sa Jungle Hai,

Baqi Hain Magar Is Main Aasaar Muhabbat K,

Laila K Bhi Qise Hain Majnu Bhi Salamat Hai,

Mar K Bhi Nahin Marte Kirdaar Muhabbat K,

Baalon Main Sufaidi Bhi Yun Hi To Nahin Utri,

So Ranj Uthain Hain Sarkar Muhabbat K,

Woh Log Nahin Karte Ulfat Main Kami Har Giz,

Jo Wazan Main Kehte Hain Ashaar Muhabbat K,

Har Marz Zamane Se Ho Jaye Agar Rukhsat,

Dunya Main Rahainge Par Bemaar Muhabbat K,

Tum Haath Churao To Woh Haath Churainge,

Kuch Log To Hote Hain Khuddaat Muhabbat K,

Tum Ne To Guzari Hai Ek Raat Judai Ki,

Par Hum Ne Uthaye Hain Aazar Muhabbat K,

Yeh Dard Mere Sir Ka Jata Hi Nahin Murshid,

Alfaaz To Dum Kar Do 2 Chaar Muhabbat K,